Zindagi Bas Aik Round Aur
زندگی بس ایک راؤنڈ اور
یہ تو 110 راؤنڈز کی کہانی ہے۔
زندگی کے میدان میں فاتح وہی ہے جو آخری مکہ مارنے ہی نہیں، جھیلنے تک میدان میں کھڑا رہے۔
میں باکسنگ کا ایک فین کے طور پر شوقین ہوں، ماردھاڑ سے زیادہ یہ انسانی عزیمت، استقامت اور ڈسپلن کا مقابلہ ہوتا ہے۔ میں اپنے کئی مضامین میں اس کے استعارے استعمال کر چکا ہوں۔
آج دنیا کے سب سے طویل اور خونی باکسنگ میچ کا حال سنیے جو نیو اور لینز میں دو مقابلہ بازوں، اینڈی بوئن اور جیک برک کے درمیان اپریل 1893 میں ہوا۔
اینڈی، جو نیو اورلینز کا رہائشی تھا، اس کی آنکھوں میں جیت کی ایک عجیب لگن تھی۔ ادھر جیک برک، جو ٹیکساس سے آیا تھے، بھی کم نہ تھا۔ دونوں باکسرز کے درمیان مقابلہ شروع ہوا تو شائقین کی نظریں جم کر رہ گئیں۔
رات کے 9: 15 بجے جیسے ہی پہلا راؤنڈ شروع ہوا، اینڈی اور جیک نے اپنے دستانے سے ایک دوسرے پر مکے برسانے شروع کر دیے۔ ہر راؤنڈ کے ساتھ مقابلہ سخت سے سخت تر ہوتا چلا گیا۔
تھکن، پسینہ، اور خون کے قطرے ان دونوں کی لگن کی گواہی دے رہے تھے۔ جیسے جیسے وقت گزرتا گیا، رات دیپک کی مانند سناٹے میں ڈوبتی چلی گئی، لیکن اینڈی اور جیک کے درمیان کشمکش برقرار رہی۔
سات گھنٹے اور انیس منٹ بعد، جب گھڑی نے وقت دکھایا، تو مقابلہ 110 راؤنڈز تک پہنچ کر بلا نتیجہ ختم ہوا۔ دونوں جنگجو، جو اب مکمل طور پر تھک چکے تھے، کو میدان میں کھڑے ہو کر تالیوں کی گونج میں اپنی ہمت اور جذبے کا اعتراف کرنا پڑا۔
بعد میں، جب اس مقابلے کو 'ڈرا' قرار دیا گیا، تو اینڈی نے اپنے سر کو جھکایا اور ایک لمبی سانس لی۔ اس کے چہرے پر مایوسی کی جھلک تھی، مگر ساتھ ہی ساتھ ایک قسم کی راحت بھی محسوس ہو رہی تھی کہ طویل مقابلے کے بعد اب وہ آرام کر سکے گا۔ جیک برک نے بھی اپنے دستانے اتار دیے اور دونوں نے سپورٹس مین سپرٹ کا مظاہرہ کرتے ہوئے ایک دوسرے کو گلے لگایا۔
مداحوں نے، جو اب بھی دونوں کے جذبے اور ہمت کو داد دینے کے لیے کھڑے تھے، اپنی تالیوں کی گونج سے سٹیڈیم کو معمور کر دیا۔ اس رات نیو اورلینز میں، اینڈی اور جیک دونوں نے اپنی مہارت اور جرات کا مظاہرہ کرکے تاریخ میں اپنے نام کندہ کر دیے۔
یہ مقابلہ نہ صرف ان کی زندگیوں میں ایک ناقابل فراموش لمحہ بن گیا بلکہ باکسنگ کی تاریخ میں بھی ایک یادگار واقعہ بن کر رہ گیا۔
رنگین تصویر عام طور پر اس مقابلے سے غلط طور پر موسوم کی جاتی ہے۔ یہ مقابلہ کوئی اصل مقابلے سے پچاس سال بعد کی بات ہے۔
