Shatranj Ki Bisat Aur Barfani Tambeeh
شطرنج کی بساط اور برفانی تنبیہ
مشرق وسطیٰ کے تپتے ہوئے ریگزاروں اور نیلگوں سمندروں کے تعاقب میں بارود کی بو اس قدر گہری ہو چکی ہے کہ اب کسی بھی لمحے ایک چنگاری پورے خطے کو شعلوں کی نذر کر سکتی ہے ایران کی جانب سے جنگی تیاریوں کے حتمی مراحل اور امریکی بحری بیڑوں کی خلیج کے پانیوں میں سائے کی طرح موجودگی اس امر کی غمازی کرتی ہے کہ بساط بچھ چکی ہے اور مہرے اپنی جگہ سنبھال چکے ہیں سٹرٹیجک گہما گہمی کے اس کٹھن موڑ پر اسرائیل اور امریکہ کے اعلیٰ ترین فوجی حکام کی حالیہ ملاقات محض ایک رسمی نشست نہیں تھی بلکہ یہ اس طوفان سے پہلے کی خاموشی کا پیش خیمہ ہے جو شاید جغرافیائی سرحدوں کو ہمیشہ کے لیے تبدیل کرنے کا ارادہ رکھتا ہے۔
اس خفیہ اور انتہائی حساس مشاورت میں جس سٹرٹیجک حکمت عملی پر اتفاق کیا گیا ہے وہ ممکنہ طور پر تہران کے ایٹمی مراکز اور دفاعی تنصیبات کو براہ راست نشانے پر رکھنے کی ایک مربوط کوشش ہے جس میں حملے کی صورت میں دفاع اور جوابی کارروائی کے تمام پیچیدہ پہلووں کو حتمی شکل دی جا چکی ہے عالمی سیاست کے اس شطرنج پر اب بیانات اور دھمکیوں کا وقت گزر چکا ہے کیونکہ بحری بیڑوں کی گرج اور میزائلوں کی خاموش زبان یہ بتا رہی ہے کہ ڈپلومیسی کے تمام بند دروازے اب شاید صرف آہنی ٹکراو ہی سے کھلیں گے یہ صورتحال اس بات کی تائید کرتی ہے کہ خطہ ایک ایسی فیصلہ کن جنگ کے دہانے پر کھڑا ہے جہاں ہر گزرتا لمحہ امن کی امیدوں کو خاک میں ملا کر ایک ہولناک تصادم کی نوید دے رہا ہے جس کے اثرات صرف مشرق وسطیٰ تک محدود نہیں رہیں گے بلکہ پوری دنیا کے سیاسی و معاشی نظام کو اپنی لپیٹ میں لے لیں گے۔
قدرت کے بے رحم تھپیڑوں نے جب جمتی ہوئی برف اور برستے ہوئے عذاب کی صورت میں امریکی ریاستوں کو اپنی لپیٹ میں لیا تو یہ محض ایک موسمیاتی تغیر نہیں بلکہ فطرت کا وہ خاموش نوحہ معلوم ہوتا ہے جو انسانی تکبر کے بتوں کو پاش پاش کرنے کے لیے کافی ہے ایک طرف وہ سپر پاور ہے جو اپنی ٹیکنالوجی اور حربی جنون کے نشے میں ایران کے معصوم انسانوں کے خون سے ہولی کھیلنے کی منصوبہ بندی کر رہی ہے اور دوسری طرف قدرت کا وہ جلال ہے جس نے کروڑوں لوگوں کو ان کے عالیشان گھروں میں بے بس و لاچار کرکے رکھ دیا ہے یہ سفید برف کی چادر شاید ان سیاہ جذبوں کے لیے ایک تنبیہ ہے جو معصوم جانوں کو خاک و خون میں تڑپانے کے خواب دیکھ رہے ہیں کیونکہ جب زمینی خدا اپنی طاقت کے نشے میں حد سے گزرنے لگتے ہیں تو پھر آسمانی نظام حرکت میں آتا ہے اور انسانی غرور کو لمحوں میں مٹی میں ملا دیتا ہے۔
وائٹ ہاوس کے ایوانوں میں بیٹھے پالیسی سازوں نے ایران کی سرزمین پر جارحیت کی حماقت کی تو یہ محض ایک مقامی جنگ نہیں بلکہ ایک ایسی عالمی جنگ کا نقطہ آغاز ہوگا جو امریکی بالادستی کے تابوت میں آخری کیل ثابت ہو سکتی ہے ایران کا جغرافیہ اور اس کی دفاعی صلاحیتیں کسی بھی جارح کے لیے وہ آتش فشاں ثابت ہوں گی جس کی تپش واشنگٹن کی دہلیز تک محسوس کی جائے گی کیونکہ یہ وہ خطہ ہے جہاں سے اٹھنے والا جوابی وار امریکہ کی معیشت اور اس کے عالمی وقار کو خاک میں ملا دے گا روس اور چین جیسے عالمی حریف ایسے کسی بھی موقع کی تاک میں بیٹھے ہیں جہاں وہ خاموشی سے تماشہ دیکھنے کے بجائے اس عظیم ٹکراو میں تہران کی پشت پناہی کرکے امریکی غرور کو وہ زخم لگائیں گے جو صدیوں تک بھلایا نہیں جا سکے گا اور پھر دنیا دیکھے گی کہ کس طرح ڈالر کی سلطنت تاش کے پتوں کی طرح بکھر کر رہ جاتی ہے۔
امریکہ کو یہ بات ذہن نشین کر لینی چاہیے کہ ایران پر حملہ ایک ایسی آگ کو ہوا دینا ہے جس کے شعلے اس کے بحری بیڑوں کو سمندر کی تہہ میں دفن کرنے اور اس کے فوجی اڈوں کو ملبے کا ڈھیر بنانے کی مکمل صلاحیت رکھتے ہیں اور یہ وہ تباہی ہوگی جس کا ازالہ کسی بھی جدید ٹیکنالوجی سے ممکن نہ ہوگا بیجنگ کی معاشی گرفت اور ماسکو کی عسکری حکمت عملی جب ایران کے استقامت کے ساتھ ملیں گی تو امریکہ کے لیے واپسی کا کوئی راستہ باقی نہیں بچے گا اور وہ ایک ایسی دلدل میں دھنس جائے گا جہاں سے نکلنے کی ہر کوشش اسے مزید رسوائی کی طرف لے جائے گی عافیت اسی میں ہے کہ جنگی جنون کے اس سحر سے باہر نکلا جائے اور انسانیت کو لہو لہان کرنے کے بجائے امن کے راستے کو ترجیح دی جائے کیونکہ تاریخ گواہ ہے کہ جب مظلوم قومیں دیوار سے لگائی جاتی ہیں تو پھر ان کا جوابی حملہ بڑے بڑے فرعونوں کا تکبر مٹی میں ملا دیتا ہے اور اب کی بار یہ ٹکراو امریکہ کے لیے اس کی اپنی بقا کا سوال بن سکتا ہے۔
تاریخ کے اس نازک ترین موڑ پر جب استعماری طاقتوں کی نظریں ایران کے افق پر لہو کے نقش ابھارنے کی کوشش کر رہی ہیں تمام مسلم ممالک کے لیے یہ محض ایک تماشائی بنے رہنے کا وقت نہیں بلکہ اپنی بقا کی جنگ لڑنے کا لمحہ ہے کیونکہ اگر آج ایران کی دیواریں اس جارحیت کے سامنے کمزور پڑیں تو پھر کل مشرق سے مغرب تک کسی بھی اسلامی ریاست کی خودمختاری اور سلامتی کا تصور قصہ پارینہ بن جائے گا مسلم امہ کو یہ ادراک کرنا ہوگا کہ اتحاد کی ڈور میں بندھے بغیر وہ ان خونخوار عزائم کا مقابلہ نہیں کر سکتے جو ایک ایک کرکے اسلامی ممالک کے وسائل اور ان کی غیرت کو نشانہ بنا رہے ہیں لہٰذا اب مصلحتوں کے لبادے اتار کر ایک ایسی سیسہ پلائی ہوئی دیوار بننے کی ضرورت ہے جو عالمی طاقتوں کو یہ باور کرا سکے کہ کسی بھی مسلم سرزمین پر ہونے والا حملہ پوری امت پر حملہ تصور کیا جائے گا۔
یہ وقت خوابِ غفلت سے بیدار ہونے اور اپنی دفاعی و معاشی قوت کو ایک مرکز پر مجتمع کرنے کا ہے تاکہ دشمن کو یہ پیغام ملے کہ مسلمان اب تر نوالہ نہیں رہے بلکہ وہ اپنے دفاع کے لیے ہر حد پار کرنے کا حوصلہ رکھتے ہیں کیونکہ اگر آج خاموشی اختیار کی گئی تو تاریخ ہمیں کبھی معاف نہیں کرے گی اور آنے والی نسلیں اس بزدلی کا خمیازہ غلامی کی صورت میں بھگتیں گی امریکہ کی جارحیت کو روکنے کا واحد راستہ یہ ہے کہ تمام اسلامی ممالک اپنے آپسی اختلافات کو پس پشت ڈال کر ایک پرچم تلے متحد ہو جائیں کیونکہ اس اتحاد ہی میں وہ ہیبت پنہاں ہے جو بڑے سے بڑے فرعون کے قدم اکھاڑ سکتی ہے اور یہی وہ واحد راستہ ہے جو ہمیں آنے والی ہولناک جنگوں کی تباہ کاریوں سے محفوظ رکھ کر عالمی نقشے پر ایک معتبر اور ناقابلِ تسخیر قوت کے طور پر زندہ رکھ سکتا ہے۔
