Dimagh Aur Jism Ka Jadu
دماغ اور جسم کا جادو
دماغ اور جسم کے کمبی نیشن پر ایک خاص 30 گھنٹوں کی آن لائن ورکشاپ کروا رہا ہوں۔ اس تصور کو سمجھنے کے لیے کچھ سچے قصے آپ کے لیے منتخب کیے ہیں۔
ہارورڈ کے پروفیسر رابرٹ ایمنز نے تحقیق کی کہ جو لوگ روز تین چیزیں لکھتے ہیں جن پر وہ شکر گزار ہیں، اُن کی خوشی اور ذہنی سکون بڑھ جاتا ہے۔ ایسے لوگ مشکلات میں بھی امید نہیں چھوڑتے۔ یہ چھوٹا سا عمل ان کی زندگی کو ہلکا اور مثبت بناتا ہے۔
* نیلسن منڈیلا جب جیل سے آزاد ہوئے تو اُن کے پاس اختیار تھا کہ وہ اپنے مخالفین سے بدلہ لیں۔ مگر انہوں نے معافی کو اختیار کیا۔ اُنہوں نے کہا: "نفرت زہر ہے، جو پہلے خود کو مارتا ہے"۔ اُن کی یہ عظیم ظرفی ساؤتھ افریقہ کو خانہ جنگی سے بچا گئی۔ دنیا نے دیکھا کہ معافی انتقام سے زیادہ طاقتور ہتھیار ہے۔
* جے کے رولنگ ایک سنگل مدر تھیں اور غربت میں زندگی گزار رہی تھیں۔ کئی پبلشرز نے ان کی کتاب Hary Porter کو مسترد کر دیا۔ مگر انہوں نے ہار نہ مانی اور اپنی تحریر پر یقین رکھا۔ آخرکار کتاب شائع ہوئی اور دنیا کی سب سے زیادہ پڑھی جانے والی سیریز بن گئی۔ اُن کی کہانی ثابت کرتی ہے کہ اپنی صلاحیت پر یقین کامیابی کا سب سے بڑا سرمایہ ہے۔
* چینی حکمت کہتی ہے کہ بانس کے پودے کے بیج زمین میں کئی سال تک کچھ نہیں دکھاتے۔ کسان روز پانی دیتا رہتا ہے مگر صبر کرتا ہے۔ پانچویں سال اچانک وہ بیج تیزی سے اُگتا ہے اور چند ہفتوں میں کئی فٹ اونچا ہو جاتا ہے۔ یہی اصول زندگی پر بھی لاگو ہوتا ہے۔ محنت اور صبر کا پھل وقت پر ضرور ملتا ہے۔
* اسٹیو جابز کالج سے ڈراپ آؤٹ تھے۔ مگر اُنہوں نے ایک خواب دیکھا: کمپیوٹر ہر گھر میں ہونا چاہیے۔ اُس خواب کے پیچھے اُن کی لگن نے Apple کو جنم دیا۔
Macintosh، iPhone اور iPad نے دنیا بدل دی۔ وہ اکثر کہتے: "وہ لوگ جو دنیا بدلنے کی سوچتے ہیں، حقیقت میں وہی دنیا بدلتے ہیں"۔ اُن کا وژن آج بھی جدت کی علامت ہے۔
* یوگا کی بانی شخصیات میں سے ایک پَتنجلی کی تعلیمات پر کئی تحقیقات ہوئیں۔ ایک مطالعہ میں دیکھا گیا کہ جو لوگ روزانہ یوگا اور سانس کی مشق کرتے ہیں، اُن کا بلڈ پریشر، تناؤ اور بےچینی واضح طور پر کم ہو جاتی ہے۔ یہ جسمانی ریلیز انہیں ذہنی سکون اور جذباتی توازن عطا کرتا ہے۔ مغرب کی یونیورسٹیاں آج بھی اسے ذہنی صحت کا مؤثر علاج مانتی ہیں۔
* امریکہ کی ایک عام عورت روزا پارکس تاریخ کا استعارہ بن گئی۔ ایک دن اُس نے بس میں سفید فام شخص کو سیٹ دینے سے انکار کیا۔ اُس وقت یہ ایک خاموش فیصلہ تھا، مگر اس نے پورے معاشرے کی بنیادیں ہلا دیں۔ پولیس نے اُسے گرفتار کیا، اخبارات میں چرچا ہوا اور دیکھتے ہی دیکھتے یہ واقعہ سول رائٹس موومنٹ کا آغاز بن گیا۔ پارکس کا یہ قدم ثابت کرتا ہے کہ ایک فرد کا یقین پورے نظام کو چیلنج کر سکتا ہے۔
* روزا پارکس کا یہ قدم مارٹن لوتھر کنگ جونیئر کی موومنٹ کی بنیاد بنا۔ انہوں نے اپنی تقریر I Have a Dream میں صرف خواب سنایا، کوئی منصوبہ نہیں دیا۔ لیکن اُن الفاظ نے لوگوں کے دلوں میں نئی امید جگا دی۔ لاکھوں افراد سڑکوں پر نکل آئے۔ اُن کی زبان نے انصاف اور مساوات کی ایک نئی لہر دوڑائی۔ آج بھی یہ تقریر تاریخ کی سب سے اثر انگیز تقاریر میں شمار ہوتی ہے۔
* عبدالستار ایدھی نے سادہ کپڑوں اور چھوٹی ایمبولینس سے خدمت شروع کی۔ لوگ ہنستے تھے کہ یہ اکیلا کیا کر سکتا ہے؟ مگر اُن کا مقصد انسانیت کی خدمت تھا۔ آج ایدھی فاؤنڈیشن دنیا کی سب سے بڑی فلاحی تنظیموں میں شمار ہوتی ہے۔ ایدھی صاحب نے دکھایا کہ بڑا مقصد فرد کو تاریخ بنا دیتا ہے۔
* ہیلن کیلر نابینا اور بہری پیدا ہوئیں۔ بچپن میں وہ دنیا سے کٹی ہوئی تھیں۔ مگر اُن کی ٹیچر این سلیوان نے انہیں الفاظ اور خیالات سکھائے۔ ہیلن نے ڈگری حاصل کی، کتابیں لکھیں اور معذور افراد کے لیے تحریک بن گئیں۔ اُن کی زندگی اس بات کی مثال ہے کہ عزم اور حوصلہ سب رکاوٹوں کو مات دے سکتے ہیں۔
* ایلون مسک نے PayPal بیچنے کے بعد اعلان کیا کہ وہ تین میدانوں میں انقلاب لائے گا: خلا، الیکٹرک گاڑیاں اور توانائی۔ اُس نے مخصوص سالوں کی ٹائم لائن بنائی۔ لوگ ہنستے رہے، مگر اُس نے ہار نہ مانی۔ جلد ہی SpaceX نے خلا تک رسائی ممکن کی۔ Tesla نے گاڑیوں کی صنعت کو بدل دیا اور SolarCity نے توانائی کا نیا باب کھولا۔ یہ سب اُس کے واضح اہداف اور ٹائم لائن کا نتیجہ تھا۔
یہاں پر یہ بات یاد رہے کہ ایلون مسک نے پے پال 1998 میں بنائی اور ہم پاکستانی آج 2025 تک اسے اپنے ملک میں بطور پیمنٹ گیٹ وے استعمال بھی نہیں کر سکتے۔ پستی کی انتہا ہے۔
* جیمز کلئیر، جو بعد میں Atomic Habits کا مصنف بنا، ایک حادثے میں بری طرح زخمی ہوا۔ وہ نہ چل سکتا تھا نہ کھیل سکتا۔ مگر اُس نے روز ایک ایک چھوٹی عادت اپنانی شروع کی: ایک پش اَپ، ایک منٹ پڑھائی، ایک چھوٹا قدم۔ وقت کے ساتھ یہ چھوٹی عادات بڑے نتائج میں بدل گئیں۔ اُس نے اپنی زندگی دوبارہ سنواری اور پھر یہ اصول دنیا کو سکھائے۔ آج لاکھوں لوگ اُس کی عادات کے اصولوں سے اپنی زندگی بدل رہے ہیں۔
دوستو۔
"NeuroSomatic Practitioner Workshop" کے نام سے اس ورکشاپ کا آغاز 18 اکتوبر سے ہو رہا ہے۔ یہ ورکشاپ اسکل ڈیولپمنٹ کونسل سے رجسٹرڈ ہے۔ آپ اس کا حصہ بننے کے لیے مجھ سے اس نمبر 03009273773 پر رابطہ کر سکتے ہیں۔
