Lakh Global Language Bol Lein, Issues Wohi Local Rahenge

لاکھ global لینگوئج بول لیں، issues وہی local رہیں گے

(کیمبرج میں پڑھتی بیٹی اور ماں ساتھ بیٹھے ہیں)

ماں: میں ہی جانتی ہوں کس طرح میں نے اس فیملی میں گزارا کیا ہے۔ ناکوں چنے چبوائے ہیں ایک ایک نے۔ ماسی بنا کے رکھا تھا اور کہتی تھیں بہو ہے، بھابھی ہے۔

You know it's the most horrible experience of my life۔

Your grandma is like a nightmare

بیٹی: (دلچسپی کا اظہار کرتے ہوئے)

تو کیا ہوا بابا تو supportive رہے ہوں گے؟

ماں: (جل کر رہ جاتی ہے) Supportive خاک رہتے۔ پوری زندگی اپنی اماں کے reporttve رہے۔ اونہہ ممی ڈیڈ بچے (نقل اتارتے ہوئے) امی فخری نے یہ کہا She shouldn't۔ پوری زندگی گزر گئی Shouldn't اور couldn't میں۔

بیٹی: ?Why are you crying

امی: یہ crying نہیں۔ past کی frying ہے۔ بھیجہ پکا دیا۔

بیٹی: بابا اتنے cute تو ہیں۔

Just like my Mano cat

ماں: ہاں absolutely cute.. اپنی امی کی ہر بات پر Mano cat

بیٹی: تو مماں دادی ماں کی respect بھی تو کرنی چاہیئے۔

ماں: ہاں کرنی چاہیئے مگر دوسروں کو disrespect کرکے نہیں۔ میں تین مہینوں میں Deport ہو جاتی یہاں سے۔ وہ تو تمہارے دادا نے کہا لڑکی اب آئی ہے تو مر کر ہی جائے گی۔ بے چارے اس چکر میں خود مر گئے۔ مجھ سے کہتے تھے بیٹا oppressed کی curelities سے بچو کیونکہ جب وہ power میں ہوتا ہے تو اسے اپنا right سمجھتا ہے۔

بیٹی: مطلب یہ یہاں کا فیملی کلچر ہے۔ Daughter in law پر سب چلتا ہے۔

مطلب In laws are supposed to be out laws

بیٹی: لیکن بابا نے کہیں نہ کہیں تو آپ کو favour کیا ہوگا؟

ماں: Favour کا Fever انہیں کبھی نہیں چڑھا۔ میرے ساتھ ہوں اور امی آ جائیں تو just like a frog اچھل کر دور بیٹھ جاتے اس پر بھی وہ تمہارے بابا کا disection کر دیتیں۔ بیوی کے کولہے سے لگا بیٹھا ہے۔ شرم تو نہ آتی تجھے۔

بیٹی: دادی ماں بتاتی ہیں when دادا died تو وہ رو رو کر faint ہوگئی تھیں۔

ماں: تمہارے دادا Saint تھے۔ یہ faint waint سب ڈراما تھا۔ تھوڑا سا رو لیں تو کن سی قیامت آ گئی۔ زندگی بھر رلایا بھی تو تھا۔

ماں: تم کو یہ کسی نے نہیں بتایا ہوگا؟

At that time you were hardly 3 or 4 year my baby

بیٹی: ?What happened

ماں: when he died تو کفن پہنے لیٹے تھے۔ She did a drama اور کہا: اس عمر میں اکیلا چھوڑے جا رہے ہیں۔ میں اس وقت رونے کے بعد ذرا ہاتھ منہ دھونے گئی تھی۔ لوگ بتاتے ہیں body نے ہلکا سے jerk لیا۔ تمہاری دادی نے فورا لوگوں سے کہا: آٹھاو اور لے جاو۔ اتنی مشکل سے تو مرے ہیں۔

بیٹی: جب اتنے ظلم تھے تو ساتھ کیسے رہ لیں آپ؟

امی: (جل کر) ساتھ کون رہا؟ قیدی اور جیلر کا بھلا کہاں کا اور کیسا ساتھ؟ I tell you one thing اللہ کی لاٹھی بے آواز ہے وہ جس دن گھومی، بڑھیا کو دن میں تارے نظر آ جائیں گے۔

(دادی ماں کی انٹری)

دادی ماں: کس کو دن میں تارے نظر آ جائیں گے ہم بھی تو دیکھیں۔

(بہو چلی جاتی ہے۔ پوتی مسکرا کر دادی کو دیکھتی ہے)۔

دادی: کیوں دیدئے پھاڑ کر ہنسے جا رہی ہے؟

پوتی: I am just imaging what happened

جب آپ نے دادا کو کہا ہوگا اس عمر میں اکیلا چھوڑے جا رہے ہو اور آپ نے کہا: اٹھاو اور لے جاو اتنی مشکل سے تو مرے ہیں۔

دادی: یہ سب تیرے ماں کی بنائی کہانی ہے تجھے بھی سنا دی آج۔

پوتی: سوچیں۔ دادی وہ اٹھتے اور کہتے

(ہاتھ پکڑ کر) Come with me.. my love

دادی: (ہاتھ چھڑاتے ہوئے) میں تو مر کے بھی نہ جاتی ان کے ساتھ۔ (چلا کر) تیری ماں کے دل کے ارماں دھرے کے دھرے رہ گئے اور اگر پورے ہوئے بھی تو۔۔

پوتی: (اونچی آواز میں تاکہ ماں سن لے)

Over my dead body

دادی: اس کا مطلب کیا ہوا؟

پوتی: (شرارت سے مسکراتے ہوئے) میرے جیتے جی یہ نہیں ہو سکتا۔

دادی: ہاں یہ کہی ناں میرے دل کی بات۔

(اپنی مزاحیہ مضامین کی کتاب "کیفے عزمی" سے ایک مضمون)۔