Babusar Top, Qudrati Husn Ki Hifazat Hamari Zimmedari
بابوسر ٹاپ، قدرتی حسن کی حفاظت ہماری ذمہ داری
پاکستان میں گلگت بلتستان اپنی بے مثال قدرتی خوبصورتی اور دلفریب مناظر کے لیے مشہور ہیں۔ ان ہی میں سے ایک نایاب جوہر، بابوسر ٹاپ، اپنی بلند و بالا پہاڑوں، سرسبز وادیوں اور یخ بستہ ہواؤں کے سبب ہر سال ہزاروں سیاحوں کو اپنی جانب کھینچتا ہے۔ مگر افسوس کہ اس قدرتی حسن کی حفاظت کے معاملے میں ہم سیاحوں کی بے حسی اور غفلت بڑھتی جا رہی ہے۔
بابوسر ٹاپ پر بڑھتی ہوئی ماحولیاتی آلودگی ایک سنگین مسئلہ بن چکی ہے۔ سیاحوں کی لاپرواہی اور غیر ذمہ داری نے اس دلکش مقام کو کچرا کنڈی میں تبدیل کرنے میں کوئی کسر نہیں چھوڑی۔ پلاسٹک کے تھیلے، کھانے پینے کی باقیات، اور دیگر فضلہ ہر جگہ بکھرا نظر آتا ہے۔ یہ نہ صرف یہاں کے ماحول کو خراب کر رہا ہے بلکہ اس کی خوبصورتی کو بھی ماند کر رہا ہے۔
یہ حقیقت تلخ ہے کہ اگر ہم نے اپنی روش نہ بدلی تو ہمارے سیاحتی مقامات بہت جلد اپنی قدرتی چمک کھو دیں گے۔ یہ مقامات ہماری قومی دولت ہیں اور ان کی حفاظت ہم سب کی مشترکہ ذمہ داری ہے۔ حال ہی میں، ایک سیاح کی ویڈیو سوشل میڈیا پر وائرل ہوئی جس میں بابوسر ٹاپ کو "باتھ روم ٹاپ" کے نام سے پکارا گیا۔ اس پر فوری طور پر دیامر کے ڈپٹی کمشنر نے ایکشن لیتے ہوئے صفائی اور ماحولیاتی آلودگی کو کم کرنے کے لیے اہم اقدامات کیے۔ بابوسر ٹاپ پر جگہ جگہ ڈسٹ بنز نصب کیے گئے تاکہ سیاح کچرا نہ پھینکیں اور ماحول کو صاف رکھ سکیں۔ لیکن یہ اقدامات تبھی موثر ثابت ہوں گے جب ہم خود بھی اپنی ذمہ داری کا مظاہرہ کریں گے۔
سیاحوں کو چاہیے کہ وہ ان خوبصورت مقامات کی حفاظت کریں اور کچرا پھینکنے سے گریز کریں۔ چند احتیاطی تدابیر جو سیاحوں کو اپنانا چاہیے، وہ یہ ہیں کہ کچرا پھینکنے کے بجائے ڈسٹبن کا استعمال کریں، پلاسٹک کے تھیلوں اور بوتلوں کا استعمال کم کریں اور ماحول دوست متبادل اپنائیں۔ دیگر سیاحوں کو بھی ماحولیاتی آلودگی کے نقصانات سے آگاہ کریں اور انہیں بھی صاف صفائی کی طرف راغب کریں۔
بابوسر ٹاپ قدرتی حسن کا ایک شاہکار ہے، اور اس کی حفاظت ہم سب کی ذمہ داری ہے۔ اگر ہم اس مقام کو گندگی سے بچانا چاہتے ہیں تو ہمیں اپنی عادات بدلنی ہوں گی اور ماحول دوست رویہ اپنانا ہوگا۔ انتظامیہ کے اقدامات تبھی کارگر ثابت ہوں گے جب ہم خود بھی اپنی ذمہ داری کو سمجھیں اور اس پر عمل کریں۔ صاف ستھرا بابوسر ٹاپ ہی ہماری آنے والی نسلوں کے لیے ایک خوبصورت ورثہ ہو سکتا ہے۔ اگر ہم نے اپنی روش نہ بدلی تو ہمارے سیاحتی مقامات بہت جلد کچرا کنڈی میں تبدیل ہو جائیں گے، اور ہم ایک قدرتی خزانے سے محروم ہو جائیں گے۔ اس لیے آئیے، اپنی ذمہ داری کا احساس کریں اور بابوسر ٹاپ کی خوبصورتی کو برقرار رکھنے میں اپنا کردار ادا کریں۔
اس نایاب قدرتی حسن کو بچانا ہمارے ہی ہاتھ میں ہے۔ اگر ہم سب مل کر اپنی ذمہ داری کو سمجھیں اور اس پر عمل کریں، تو ہم نہ صرف بابوسر ٹاپ بلکہ اپنے تمام قدرتی مقامات کی خوبصورتی کو برقرار رکھ سکتے ہیں۔ اس قومی دولت کی حفاظت اور اس کی خوبصورتی کو قائم رکھنا ہماری آنے والی نسلوں کے لیے ایک عظیم تحفہ ہوگا۔ آئیے، عہد کریں کہ ہم بابوسر ٹاپ کو صاف ستھرا اور خوبصورت رکھیں گے اور اس قدرتی حسن کو ہمیشہ کے لیے قائم رکھیں گے۔
